今集請來六位十至十二歲的小學生，當中有聾人，也有健聽人士。大家打成一片，一齊嘈喧巴閉傾下偈，講下小朋友究竟諗緊乜。

「幾時用手提電話我話事？」、「鍾意人但又怕遇到『海王』？」、「大人講嘢一定啱？」、「最討厭女仔，因為全部女仔都……」小朋友嘅創作力量同幻想真係會嚇人一跳，咁多題目、咁多選項，究竟小孩會點做選擇呢？


主持：泰臣
嘉賓╱參加者：倪朗睿、冼文軒、賴曉恩、劉珮淇、鄭卓男、石芯悠

外協，全名「外貌協會」，是指奉行外貌至上，相信外貌高於一切的人。誰人敢說自己一生人也不曾以貌取人？特別是在這個講求包裝的年代，可能我們每一個人都是外協成員。

今集請來聾人、健聽嘉賓，六位靚仔、靚女一齊討論下「你的樣子如何，你的日子也必如何」！


主持：泰臣
嘉賓╱參加者：周海恩、黃志輝、鄭毅敏(Amy)、陳映同(Lezlie)、黃婉曼(Icy)、李琛瑜(Sam)

戀愛令人好矛盾，有又怕煩無又恨要。個個都拍拖，唔通個個都想拍拖？箇中道理，值得讓人細味，所以今集請來聾人、健聽者、男女老幼一齊傾下愛情！

一見鍾情定係日久生情？用Apps定隨緣結識對象？最期待轟烈嘅愛情定係開放式戀愛？有人話戀愛係精神病，那就讓大家一齊嚟瘋狂地玩Game吧！


主持：泰臣
嘉賓╱參加者：沈栢基(Danny)、余煒琳(Brenda)、張凱欣、吳倩怡@LollyTalk、黃家薇(Anissa)、狄易達

今集請來六位獨當一面的女士，有聾人、健聽者、歌手、新手媽媽、老闆及家庭主婦，大家一齊以「女人」為題分享想法。

女人一定要靚？究竟邊個對女人最苛刻？女人統治世界又得唔得？！無分對與錯，純粹圍爐girls’ talk！


主持：泰臣
嘉賓╱參加者：王樂怡(Kary)、李嘉敏(Stacey)、劉曉彤(Toby)、陳映同(Lezlie)、麥笑芬(Pat)、千雪

無論聾人或健聽者，只要成為了「阿爸」、「阿媽」，聚在一起的話題總離不開「仔女經」！

每個小朋友都是生而獨特，世上也沒有放諸四海皆準的教養良方。嘉賓們作為家長無論資歷深淺，經過理論和實踐經驗的洗禮後，各自修煉出什麼「湊仔湊女大法」？聾人、健聽者教養子女的概念和想法會有分別嗎？


主持：泰臣
嘉賓╱參加者：王樂怡(Kary)、李嘉敏(Stacey)、戴劍平、麥笑芬(Pat)、何基佑(Kay)、鄭萃雯

今集請來三對夫婦，分別有「聾人配聾人」、「聾人配健聽者」和「健聽者配健聽者」的組合。

他們怎樣看婚姻——是一紙婚書還是終身承諾？是墳墓還是童話？是龍鳳配還是龍鳳鬥？就讓三對嘉賓玩game講你知！


主持：泰臣
嘉賓╱參加者：鄭高峰及符秀麗、黃良濠(Jeffrey)及馮婉婷(Iris)、阮德鏘(Johnson)及林司敏(Ciwi)

第一集率先討論的話題是「男人」！到底男人係點？就由我們六位嘉賓話你知。

六位嘉賓包括聾人、健聽者、銀髮族、九十後、藝人及學生，一群大不同的男人如何看「What is "MEN"？」﹔聾人和健聽者對「男人身分、角色」、「點至算好男人？」等性別議題上的看法又會有多少相同與不同？



主持：泰臣
嘉賓╱參加者：宋良昇、潘樹湛(Terry)、戴劍平、麥長青、李琛瑜(Sam)、黃偉明(Raymond)