OH Card 最初喺1975年由加拿大藝術家 Ely Raman創立，後來由德國心理治療師 Moritz Egetmeyer 聯同其他心理學家共同發展。Moritz Egetmeyer 將OH 解讀成 Open - Heart，表示敞開自我。玩OH Card嘅過程入面，大家分分鐘向對方透露唔少心聲架！ 

 

不過今次Simon 同Candace就會玩啲輕鬆小遊戲先。佢地會利用「Quisine」呢套卡牌聯想出一啲菜式。有趣嘅係，卡牌上面嘅食材未必係大家咁熟悉，有機會係嚟自第二個地方。而大家就正正可以透過呢個遊戲，同嚟自唔同背景嘅人破冰交流，係一次好好了解大家文化背景嘅機會。

 

其實OH Card有好多款唔同主題，並且容許玩家創作唔同嘅玩法，靈活度非常之大，大家又不妨諗下，呢88張卡牌，仲可以玩咩遊戲呢？

 

而喺教育創新部份，今集我哋會聚焦「華洋雜處」嘅杯澳公立學校，呢間學校推行「爛頭島敍」項目，學生透過口述歷史、訪問村民、探尋古蹟、生態研究等等嘅活動，了解貝澳社區嘅前世今生，令學習活動同社區有所連結。而佢哋亦都成為香港推動「鄉土教育」嘅其中一個先行者。